Duke folur për nivelin e deputëtëve të parlamentit sot dhe po ashtu jetës parlamentare, deputetja e opozitës, Majlinda Bregu e ka quajtur atë si me nivelin më të ulët në të gjitha legjislaturat.
Por ajo, në deklarimet e saj nuk ka kursyer kritikat dhe për mediat. Sipas Bregut, është dhe media ajo që padashur e ushqen nivelin e dobët të debatit politik, ndërkohë që paradoksalisht e kritikon atë.
Deputetja Bregu tha se asnjëhëre media nuk fokusohet tek debatet e pjekura mbi çështje të caktuara, ku shpalosen ide, diskutohet mbi parime etj., gjë që sipas saj ndodh jo pak herë në mbledhjet e komisioneve parlamentare, por jepet vetëm pas batutave që prodhojnë deputetët.
Deklarimet e saj u bënë në emisionin e mëngjesit ‘Wake op’ në Top Channel, ku ishte i ftuar së bashku me ish-deputetin Mitro Çela. /tesheshi.com/
