Pjerin Ndreu, deputeti i Partisë Socialiste, ka udhëtuar në Pukë, nga ku e ka origjinën. Por në udhëtim makina e tij është përpasur me një automjet tjetër. Policia ka tentuar të penalizojë shoferin e automjetit që është përplasur me deputetin, por ky i fundit me detyr dikur shef police, ka dalë e ka thënë se fajin e kishte ai. Madje kur janë qetësuar ujrat, e ka rrëfyer ngjarjen edhe në faqen e tij në Facebook.
“Jeta është dinamike. Ka të mirat e të këqijat e saj. Ne jemi aktorë seriozë ku patjetër i bindemi ligjeve të natyrës, fatit apo vullnetit të Zotit. Kur ke faj ti rri e qëndro!
Unë sot isha fajtor në një përplasje makinash në Rrapë të Pukës, që falë Zotit shkoi pa pasoja në njerëz. Qytetari që u përplas me mua nuk kishte asnjë faj.
Policët ishin me stres por unë u thashë se faji ishte i imi dhe të mos abuzojë askush me të drejtën e Zotit. Pagova gjobën për shkeljen. Mund edhe t’i shmangesha fajit, por nuk kisha kurajë të penalizoja një të pambrojtur sepse isha unë fajtor…
I falënderoj të gjithë ato që mu gjendën pranë duke më kujtuar për të njëmijtën herë se nuk jam vetëm dhe se miqtë, shokët, kushërinjtë e familja dhe njerëzit e zemrës janë oksigjeni ku unë gjej forcë e me duket vetja asgjë para tyre !”
“Mea Culpa” e deputetit realisht është një gjest rëndësishëm, por qënia e qytetarëve të barabartë para ligjit gjthsesi është një koncept i largët për Shqipërinë…/tesheshi.com/
