Deputeti i CDU/CSU-së, Nicolas Lobel, në një imtervistë dhënë “Top Channel”, u shpreh kundër shtyrjes së zgjedhjeve, duke këmbëngulur madje te respektimi i Kushtetutës edhe për tejkalimin e krizës.
“Nuk duhet të ketë asnjë diskutim për kohën kur mbahen apo jo zgjedhjet. Ne si Gjermani kemi një qëllim të vetëm. Ne duam vetëm të ndihmojmë Shqipërinë drejt BE.
Për ne ka rëndësi vijimi Reformës në Drejtësi përfshi Reformën Zgjedhore. Por mendoj se gjithçka varet nga ajo që thuhet në kushtetutën e vëndit tuaj. Kushtetuta është mekanizmi më i mirë që një demokraci mund të ketë në Gjermani, në Francë në Shqipëri, e kudo.
Pra kjo çështje mbetet në atë që thotë Kushtetuta. Nëse dëshironi të merrni përgjegjësi për të ardhmen e Shqipërisë duhet të gjejnë një zgjidhje përmes rrugëve demokratike parlamentare dhe të marrin pjesë në fushatën elektorale”, tha Lobel në një bisedë telefonike me gazetarin Muhamed Veliu.
Deputeti në fjalë, ashtu si dy kolegë të tij pak ditë më parë, shprehu gadishmërinë për të ndërhyrë në zgjidhjen e krizës shqiptare.
“Ne duam të ndihmojmë ta rikthejmë Shqipërinë në normalitet dhe të gjendet një zgjidhje. Çfarë mund të bëjmë ne? Nëse Shqipëria do t’i kërkojë Gjermanisë ndihmë si ndërmjetësuese ne do të përfshihemi në këtë, por si miq, si mbështetës dhe asgjë më shumë.
Ne po ndjekim me shumë shqetësim krizën politike në Shqipëri. Si grup parlamentar CDU dhe CSU në parlamentin gjerman, mbështesim me forcë një dialog komprehensiv mes palëve që është një veprim i shëndetshëm i demokracisë.
Dhuna është duke e minuar të ardhmen europianë të Shqipërisë duhet të ndalohet. Ne mbështesim të gjitha partitë politike të ulen në tryezën e dialoguar dhe rikthimin në Parlament për të folur dhe marrë përgjegjësitë që ata kanë”, u shpreh Nicolas Lobel. /tesheshi.com/
