Deputetet gra të Kosovës dhe ato të Serbisë kanë filluar takimin e tyre të përbashkët në Kuvendin e Kosovës. Por, ky takim nuk filloi edhe aq mirë për shkak se të reagimit të deputetëve serb se shqiptarët shkelen marrëveshjen duke përmendur fjalën “Republika e Kosovës”.
Megjithatë, gratë thanë se ato janë të vendosura për të vazhduar bashkëpunimin për të shtrirë dorën e pajtim e për të ardhmen e brezave të rinj.
Kryeparlamentari Kadri Veseli tha se të dyja vendet duhet të shikojnë përpara dhe të lënë të kaluarën prapa.
Deputetja nga radhët e PDK-së Blerta Deliu-Kodra tha se arritja deri te ky takim nuk ka qenë e lehtë dhe se dokumentari i prezantuar tani tregon për gratë e guximshme të cilat janë të gatshme të merren me sfida, të përmirësojnë gjendjen sociale, ekonomike, kujdesinë shëndetësor ndaj grave.
Në anën tjetër deputetja nga parlamenti serb, Maria Obratoviç tha se kjo nuk është një përrallë e bukur por pajtimi duhet të bëhet mes dy popujve.
“Ju e shkelet marrëveshjen sepse ne jemi marër vesh që të mos përmendet Republika e Kosovës dhe as ne që jemi ardhur në pjesën jugore të Serbisë por po bëhemi tolerantë dhe ta kalojmë edhe këtë pjesë”, ka thënë ajo.
Kurse deputetja Teuta Sahatçiu kujtoi se në fillim të takimeve të grave deputete ka pasur edhe takime gjysmë ilegale dhe se ende ka dridhje në zemrat e tyre për atë se çfarë do të ndodhë, si do të pritet takimi.
Ajo shtoi se për këso takime nuk ka nevojë për iniciativë nga BE-ja siç ndodh me burrështetasit e të dyja vendeve. Dhe me pas është shfaqur dokumentari “Follow us”.
“Një përshëndetje të veçantë për të nderuarat deputete nga Kuvendi i Republikës së Serbisë”, ka bërë sot në Kuvendin e Kosovës, në sallën e seancave plenare, kryeparlamentari kosovar, Kadri Veseli. “Mirëse na keni ardhë në Kosovë, në Prishtinë”, iu dretua ai në gjuhën serbe deputeteve nga Kuvendi serb në takimin me deputetet e Kuvendit kosovar.
“Kam kënaqësinë e veçantë të jam pjesë e këtij takimi të përbashkët, që është një mundësi e mirë për mesazhet e mirëkuptimit e tolerancës, por edhe për bashkëpunimin në funksion të paqes, zhvillimit dhe progresit të përgjithshëm rajonal”, u shpreh ai.
“Repubila e Kosovës beson dhe punon në politikat e fqinjësisë së mirë me të gjitha shtetet e rajonit, përfshirë fqinjin tonë verior, Serbinë”, tha Veseli duke theksuar platformën e dialogut që raportet të normalizohen dhe problemet të zgjidhen përmes komunikimit dhe marrveshjes.
“Ne në Kosovë mendojmë se historia e konflikteve të dhunshme ka përfunduar njëherë e përgjithmonë. Ky takim i përbashkët është edhe një argument më shumë për vizionin evropian”, tha kreyetari i Kuvendit kosovar, në takimin ku floën edhe deputete nga Kosova e Serbia si dhe shefi i Misionit të OSBE-së në Kosovë Ambasadori Jean-Claude Schlumberger.
Hapjen e kësaj ngjarjeje e bëri kryetari i Kuvendit të Kosovës, Kadri Veseli, ndërsa pjesëmarrës ishin edhe përfaqësues të misioneve diplomatike.
/tesheshi.com/
