Gjashtë qytetarë e njëherësh biznesmenë, kanë denoncuar faktin se si janë mashtruar nga biznesmeni Ylvi Beqja, i cili siç pretendojnë ata, ju ka marrë mijra euro borxh që nuk jua ka kthyer më. Kujtojmë që Beqja është njeriu që ka denoncuar nga ana e tij Emiljano Shullazin për rrëmbm prone me anë të kërcënimit. Në një deklatë për mediat, secili prej tyre ka treguar historinë që i ka ndodhur, ndërsa kanë paraqitur dhe dokumentat noteriale që kishin bërë me biznesminin në momentin që i kishin dhënë paratë. Ata thonë se afati i shlyerjes së borxhit është tejkaluar prej kohësh, e prej 6 muajsh kanë humbur çdo kontakt me biznesmenin Beqja. Ata thonë se ata kishin rënë dakort më të që paratë t’ja jepëshin me përqindje, por rezultoj që ai ju shkatërroj ekonominë familjare.
“Në vitin 2013-të i kam dhënë borxh Ylvi Beqjes 180 mijë euro. Kam bërë dhe kontraten noteriale më të ku janë dhe afatet e shlyerjes. Ai më tha se dua të marr hotel Vollgën në Durrës dhe kjo ishte arsyeja që ja dhashe sepse ishte në një proçes gjyqësor. Pasi të merrte Vollgën, me kishte premtuar se do më jepte dhe shpërblim dhe 250 mijë euro të tjera për kontribut, dhe në këto kushte unë ja dhashë. Por ai mori Vollgën dhe e tjetërsoi. Unë në këto kushte e thirra dhe i thashë se dua paratë. Por ai më tha mos u mërzit do t’i japë shumë shpejt. Prej kohësh unë kam humbur kontaktet më të dhe ato para s’kam mundur që t’i marr më. Mua më ka shkatërruar ekonomikisht të gjithë familjen”, u shpeh Sinan Topi
Të njëjtin fat ka patur edhe Sali Caka. Ai tregon se i ka dhënë biznesmentit Beqja 150 mijë ero me afat shlyrje, por që nuk ka mundur t’i marrë më.
“Me datë 10. 6. 2016 unë i kam dhënë Ylvy Beqjes 150 mijë euro. Kam edhe deklaratën noteriale me afat shlyerje por deri tani nuk kam marrë asnjë qindarke. Kam kontaktuar disa herë më të me thoshte se do t’i kthej lekët, por mos u mërzit. Me pati thënë se me duhen për hallet e mija se kam disa punë për të marrë pronën në Durrës. Prej disa kohësh unë kam humbur çdo kontakt me të, por ajo çfarë unë dua të them është me ka shkatërruar të gjithë ekonominë familjare”, thotë Sali Caka
Në këto kushte 6 personat që kanë rënë pre e mashtrimit kanë bërë të ditur se do të bëjnë kallëzim në prokurori në ditët në vijim.
“Mua më ka marrë 45 mijë euro duke e njohur nga ana e një shoku. Kam bërë deklaratë noteriale me të se do mi kthente për dy muaj, por u bënë dy vite dhe unë si kam marrë ende paratë e mija. Kohët e fundit i kam humbur të gjitha kontaktet me të. Në këto kushte ne do shkojmë të gjithë bashkë të bëjmë denoncim në prokurori për mashtrim. Afatet kanë kaluar me kohë dhe nuk kemi zgjidhje tjeter. Aktulisht jemi 6 përsona të cilët jemi mashtruar por besoj se ka dhe të tjerë”, shprehet Agron Muça, biznesmen.
Shuma e parave të marra borxh:
Sinan Topi 180 mijë euro
Sali Caka 150 mijë euro
Petrit Sukthi 160 mijë euro
Hamit Gordi 210 mijë euro
Agron Muça 45 mijë euro
Skender Kacdelja 46 mijë euro
Ahmet Zani – /tesheshi.com/
