Ndeshja e futbollit midis Vardarit dhe Fenerbahçes është trukuar për shuma të mëdha parash. Ky denoncim vjen nga gazetari Zoran Bozhinovski, i cili ka përmendur edhe emrin e atij që ka trukuar ndeshjen, informon INA.
“Loja Vardar-Fenerbahçe është kurdisur për shuma të mëdha parash!!! Mehmet Ali Ajdinlar, zv. kryetari i bordit të drejtorëve të spitalit Adzibadem Sistina të Orce Kamçev, partneri i biznesmenit rus Sergej Samsonenko, ai është lidhja. Kurdisje më katundarçe nuk kam parë kurrë në jetë. Ja lexoni se çfarë pozicioni në FK Fenerbahçe ka Mehmet”, ka shkruar Bozhinovski.
Ekipi i Vardarit ka shkruar historinë e futbollit në Maqedoni, duke kaluar për herë të parë në grupet e një kompeticioni Evropian. Kështu skuadra e Vardarit bëhet ekipi i parë nga Maqedonia që kualifikohet në Grupe të Europa Ligës.
Ata kanë arritur të shënojnë fitore edhe në ndeshjen e kthimit kundër Fenerbahçes, me rezultat 1-2, ndërsa me shifra të përgjithshme 4-1. /tesheshi.com/
