I dërguari i BE-së për Dialogun, Miroslav Lajçak, pohoi me entuziazëm atë që e quanti “kthim në binarë të dialogut mes Prishtinës dhe Beogradit.
“Sapo konkluduam në takimin virtual me Presidentin Vuçic dhe Kryeministin Hoti dhe jam i lumtur se pas Samitit të Parisit dhe takimit të sotëm, dialogu i ndërmjetësuar nga Bashkimi Evropian për arritjen e marrëveshjes dhe normalizimit të marrëdhënieve në mes të Kosovës dhe Serbisë, pas 20 muajsh është rikthyer në binarë”, është shprehur Lajçak.
Reagimi i tij erdhi pas një videokonference së sotme, dy ditë pas asaj me Macron e Merkel në Paris.
“Si rezultat i takimit të sotëm jemi pajtuar në elementet kyçe të procesit dhe agjendës për takimin e Brukselit që mbahet të enjten. Dua të falënderoj partneret tanë për angazhimin konstruktiv të treguar sot”, thekson Lajçak.
Kështu, BE e ka pronësuar më në fund procesin e Dialogut, pasi ia rrëmbeu SHBA-së me n jë lëvizje të pastër politike me anë të Speciales, e cila, me publikimin e një aktakuze kundër Thaçit, bëri që të dështojë 27 qershori amerikan. /tesheshi.com/
