Një gjykatë amerikane në Cleveland, Ohio, liroi policin i cili ishte arrestuar për vrasjen e një burri dhe një gruaje zezake në 2012. Megjithëse viktimat ishin të paarmatosura, sërish polici kishte qëlluar mbi ta. Ky lirim vjen në një kohë kur protestat janë përshkallëzuar në disa qytete amerikane për shkak të incidenteve të ngjashme të cilat i cilësojnë veprimet e policisë si racizëm kundër minoriteteve.
Gjykatësi tha se oficeri John O’Donnell Prelo Michael, 31 vjeç, ka vepruar në mënyrë të arsyeshme kur ka shtirë ndaj të dyshuarve Malasa Ëilliams dhe Timothy Russell.
Përkundër këtij verdikti, protestuesit dolën në rrugët e Cleveland duke thërritur se “pa drejtësi, nuk ka paqe”, ndërkohë policia arrestoi duzina protestuesish.
Protestat gjithashtu u zhvendosën në faqet e rrjeteve sociale, ku shumë njerëz u shprehën të tronditur nga ky gjykim.
Vlen të përmendet se kjo dispozitë vjen pas një raporti të Departamentit të Drejtësisë, i cili konfirmon se policia e Clevelandit është e përfshirë në mënyrë sistematike në përdorimin e tepruar të forcës kundër civilëve.
Autoritetet në Cleveland janë duke u përgatitur për demonstrata si ato që shpërthyen në Timor, Ferguson dhe Misuri, pas të shtënave që kishte bërë policia ndaj njerëzve me ngjyrë. /tesheshi.com/
