Trajneri i Përfaqësueses së Shqipërisë, Gianni de Biasi është i vetëdishëm për rëndësinë e ndeshjes që skuadra e tij e zhvillon ndaj Portugalisë. Prandaj tha ai, kjo ndeshje mund të jetë përcaktuese për fatin e “shqiponjave”.
“Është një ndeshje shumë e rëndësishme për ne dhe ekzistojnë tri arsye për një konkludim të tillë; së pari ne duhet të konfirmojmë formën dhe rezultatet e mira që i kemi arritur deri këtu; pastaj sepse jemi në fazën vendimtare të ndeshjeve kualifikuese; dhe së fundmi sepse luajmë ndaj kryesuesit të grupit, një skaudre të madhe siç është Portugalia”, theksoi De Biasi gjatë konferencës para ndeshjes.
Në fund nuk mungojnë as batutat nga trajneri i Shqipërisë, i cili në lidhje me pyetjen rreth markimit të yllit të Portugalisë Cristiano Ronaldo u shpreh: “Shpresoj të verë dorën në zemër, sepse unë e kam votuar për Topin e Artë. Përndryshe…do të votoj Mesin” – e mbylli konferencën trajneri i Kombëtares. /tesheshi.com/
