Trajneri i kombëtares shqiptare, De Biasi ka bërë dhe pak supersticiozin duke folur për ndeshjen e së shtunës me Izraelin.
“Ky stadium na ka sjellë fat dhe shpresoj që kjo të ndodhë dhe nesër”, tha italiano-shqiptari duke komentuar lojën që do zhvillohet në “Elbasan Arena” pas anullimit në “Loro Boriçi”. Me fat, siduket ai ka patur parasysh kualifikimin për në eliminatore dhe jo ndonjë ndeshje të veçantë, pasi në atë staduim kuqezinjtë përjetuan një vit më parë të zezën e humbjes 2-0 përballë Serbisë.
Më tej, trajneri i kombëtares sonë tha do të futen në fushën e lojës për fitore.
“Do të futemi në fushën e lojës për të fituar dhe do të mundohemi ta bëjmë këtë me logjikë”.
Ndërsa për dyshen Roshi-Sadiku, De Biasi u shpreh i pasigurt nëse ata do të jenë të gatshëm për të luajtur.
“Roshi dhe Sadiku mund të stërviten rregullisht, por për një ndeshje me intensitet rrezikojnë edhe të dëmtohen. Por ne duhet të presim të paktën edhe 24 orë për të mësuar nëse do të jenë në fushë. Megjithatë mund të them se do të zbresin në fushë me formacionin më të mirë të mundshëm”, shtoi më tej ai.
Ndërsa nga kampi hebre, trajneri i skuadrës izraelite ka lënë të kuptuar se ndeshja mund të dalë barazim dhe se ai do ishte i kënaqur me një rezultat të tillë. /tesheshi.com/
