Fill pas videokonferencës me kreun e PD-së dhe grupin parlamentar, Presidenti i PPE-së Joseph Daul ka dalë me një deklaratë publike ku thekson se bojkoti nuk do pranohet kursesi:
“Regjistrimi dhe pjesëmarrja në zgjedhjet e ardhshme parlamentare, e të gjitha partive është e domosdoshme. Kam theksuar gjithashtu se bojkoti i zgjedhjeve apo i Parlamentit nuk është aspak në përputhje me standardet e Bashkimit Europian apo të PPE-s”, thekson Daul.
Ai gjithsesi e vlerëson kauzën anti-drogë të PD-së, si për ta mikluar me shpresë se do ndryshojë qëndrim:
“PPE dhe PD-ja ndajnë pikëpamjen se lufta e ashpër ndaj drogës është vendimtare për Shqipërinë dhe për BE-në. E lavdëroj partinë anëtare të grupit tonë që e ka vendosur luftën ndaj drogës në krye të axhendës politike”, thuhet në deklaratën e kreut të të djathtëve europianë.
Më tej, Daul përçon shpreson se PD nuk do e çoj më tej këmbëngulësinë e vet:
“Në këtë kontekst, unë u sigurova nga grupi demokrat se partia do të përfshihet në negociata konstruktive me shumicën qeverisëse në mënyrë që të gjejë zgjidhje për dhënien fund të kësaj krize”. /tesheshi.com/
