Ministri i Punëve të Jashtme i Serbisë, Ivica Daçiç, po pretendon se Gana e ka tërhequr njohjen e pavarësisë së Kosovës.
Ai ka thënë se ky shtet afrikan është i 16 që e ç’njeh Kosovën.
Në intervistë për televizionin serb TV Prva, kryediplomati serb ka pohuar se notën e tërheqjes e kanë pranuar gjatë fundjavës.
Shteti serb po bën presion edhe mbi Çekinë që kjo e fundit të tërhiqet nga njohja e Kosovës, por ka marrë qëndrime të përziera, në vend të premtimeve. Kujtojmë se gjatë mandatit të tij si ministër në Qeverinë Vuçiç, Ivica Daçiç ka qenë në “ofensivë” diplomatike për të tërhequr njohen e shtetit të ri shqiptar.
Edhe ekspertët e diplomacisë kanë deklaruar se tërheqja e njohejve paraqet “risi” në botën e diplomacisë. /tesheshi.com/
