Kryeministri turk Rexhep Tajip Erdogan mbërriti mbrëmë në aeroportin e Beogradit, ku u prit nga presidenti serb Aleksandar Vuçiç, kryeministrja Ana Brnabiç me anëtarët e qeverisë serbe.
Mediat serbe kanë kapur një detaj interesant gjatë pritjes në aeroport kur teksa kreu i diplomacisë serbe Ivica Daçiq i shtrëngoi dorën Erdoganit, veç një “jakshamllari” (mirëmbrëma në turqisht), ka shtuar dhe këtë frazë: “Të përshëndes me selam president”.
Selam do të thotë paqenë arabisht, dhe së bashku më një “alejkum” pas, përbën përshëndetjen bazë të muslimanëve – Selam Alejkum!
Erdogan po realizon një vizitë historike në Beograd, i shoqëruar nga afro 200 biznesmenë turq.
Kjo vizitë po shihet si hapje e rrugës së bashkëpunimit ekonomik dhe tregtar të të dyja vendeve.
Por gjithashtu, shihet dhe si një rivendosje e rolit të Turqisë në Ballkan si faktor determinant zhvillimesh. /tesheshi.com/
