Zv.kryeministri dhe Ministri i Jashtëm serb, Ivica Daçiç ka bërë presion ndaj BE-së për rastin Haradinaj duke theksuar për mediat ruse se kjo është një test për Europën.
Ndërkaq, Daçiç ka akuzuar Ramush Haradinajn se po kërcënon për luftë për të ndaluar ekstradimin e tij në Serbi.
I pyetur nga mediat serbe për deklaratën e Haradinajt, se edhe Kosova duhet të lëshojë fletarreste për atë, Vuçiçin dhe Sheshelin si ish- bashkëpunëtorë të ngushtë i Milosheviçit, Daçiç ka thënë se është e panevojshme të komentohen ato deklarata absurde.
Daçiç ka vazhduar me retorikën e njëjtë, duke thënë se ai pret që drejtësia franceze më 2 mars të marrë vendim që Haradinaj të ekstradohet në Serbi për t’u gjykuar, sipas tij për krimet e kryera gjatë viteve 98-99.
“Ne jemi duke pritur për ekstradimin e Haradinajt. Kjo është edhe një test i ri për Evropën dhe për sistemin e drejtësisë të Francës. Për shkak se, deri më tani, asnjë nga terroristët shqiptarë nuk ka marrë dënim nga gjykata e Hagës, dhe shumë dëshmitarë kundër tyre janë zhdukur”, ka thënë Daçiç për Sputnik-un rus.
Ministri i Jashtëm serb, gjithashtu ka shtuar se deklaratat e Haradinajt janë të rrezikshme, “pasi ai ka kërcënuar Serbinë, se do ta pësojë sikurse në vitin 1999”.
Ndëraq, avokati i Ramushit, Arianit Koçi i është përgjigjur Daçiçit me këtë deklaratë: “Evropa e ka kaluar testin, kur ka vendosur ta bombardojë pushtetin gjenocidal të Millosheviqit. Bota e ka kuptuar se kush është xhelati, e kush është viktima”. /tesheshi.com/
