Australia ka kërcënuar me një dënim të mundshëm me burg për këdo që hyn në vend nga India, përfshirë qytetarët e saj. Vetëm shtetasit australianë, banorët e përhershëm dhe ata që udhëtojnë nga Zelanda e Re mund të hyjnë në Australi, me disa përjashtime.
Kushdo që ka qenë në Indi për 14 ditët e fundit në rast se hyn në Australi përballet me pesë vjet burg sipas Aktit të Biosigurisë të Australisë.
Ministria e Shëndetësisë theksoi se vendimi u mor bazuar në numrin e njerëzve që janë në karantinë pasi u infektuan me koronavirus në Indi.
Aktualisht ka rreth 9,000 shtetas australianë në Indi që dëshirojnë të kthehen në Australi për shkak të situatës katastrofike në Indi të shkaktuar nga koronavirusi. Vlerësohet se janë 600 prej tyre shëndeti i të cilëve rrezikohet ndjeshëm.
Të gjithë ata që hyjnë në vend duhet të kalojnë 14 ditë në karantinë. Në fillim të kësaj jave, të gjitha fluturimet nga India u ndaluan. /tesheshi.com/
