Ky rast tregon se pasioni ndaj skuadrës së zemrës nuk njeh kufij. Një tifoz në Itali ka bërë një çmenduri për të parë ndeshjen midis Crotones dhe Juventuesit. Duke mos patur mundësi që të shkonte në stadium, ky tifoz u shtir si i sëmurë që të shtrohej në spital.
Do të thoni po çfarë lidhje ka spitali me stadiumin? E thjeshtë, godina e spitalit është pranë me fushën ku luhej ndeshja dhe nga dhomat e pavionit takimi mund të shikohet shumë mirë.
Vendimi i drejtuesve të spitalit ka qenë “blindimi” i institucionit për ditën e djeshme, përjashtim do të bënin vetëm rastet urgjente. Në këto kushte personi nuk u la të hynte brenda.
I njëjti episod ka ndodhur edhe në sezonin 2006-07 në Serie B, në vitin kur Juventus fitoi 3-0 ndaj Crotone. Edhe në atë rast, shumë tifozë kalabrezë u shtirën si të sëmurë për të parë ndeshjen “falas” nga dritaret e spitalit në krah të stadiumit./tesheshi.com/
