Simptomat që shoqërojnë uljen e tensionit janë debulesa, marrja e mendve, gjendje të fikëti dhe në rastet më të këqija, shok. Hipotensioni është më i shpeshtë kur temperaturat janë të larta dhe kur nuk ngopeni dot me ajër, por edhe gjatë shtatzënisë apo kur kaloni ndonjë sëmundje specifike.
Duke u trajtuar në pjesën më të madhe të rasteve si episode të izoluara, nuk ka kura apo terapi të veçanta që mund të ndiqni për të eliminuar tërësisht uljen e tensionit. Ka vetëm disa përgatitje të ndihmës së shpejtë që mund t’i realizoni vetë, për të ardhur në ndihmë. Të tilla janë: shtrirja, ngritja e këmbëve, në mënyrë që të favorizoni rrjedhjen e gjakut në zemër si dhe pirja e një gote me ujë.
Hidratimi është shumë i rëndësishëm, pasi fluksi i lëngjeve lehtëson dhe ndihmon rritjen e presionit arterial.
Duhet thënë se nëse kjo gjë ju përsëritet disa herë me radhë, duhet t’i drejtoheni patjetër një mjeku, për kontroll më të imtësishëm.
Çfarë të hani
Disa ushqime mund të jenë elementë shumë të rëndësishëm që ndalojnë uljen e tepërt të tensionit. Ja se çfarë këshillohet të shtoni në dietën ushqimore, nëse vuani nga hipotensioni: lëngje të freskëta, jo me konservantë, panxhar, shegë, rrush të kuq pa farë, por edhe stimulues natyralë, siç është guarana apo dhalla me kripë. Edhe kafja mund të ndihmojë, por nuk këshillohet të abuzohet me të, pasi sjell dridhje të trupit. /tesheshi.com/
