Rusia tha se një pjesë e sistemit të saj të mbrojtjes raketore S-400 do të marrë pjesë në një stërvitje ushtarake në Serbi, duke nënvizuar dëshirën e Moskës për të mbajtur në krah një aleat tradicional edhe kur Beogradi ndjek lidhjet me NATO-n dhe Bashkimin Evropian.
Kjo do të jetë hera e parë që S-400 të sofistikuara, së bashku me një bateri raketore Pantsir, do të marrin pjesë në stërvitje ushtarake jashtë vendit, tha Ministria e Mbrojtjes e Moskës në një deklaratë.
Nga ana e saj, Ministria e Mbrojtjes e Serbisë tha se stërvitjet – të quajtur Mburoja Sllave 2019, synojnë të simulojnë “përdorimin e një grupi të përbashkët (luftarak) … në mbrojtje … kundër zbulimit të armikut dhe agresioneve fyese”.
“Përveç sistemeve të raketave anti-ajrore që përdorim në ushtrinë serbe, sistemet e raketave që janë në përdorim nga Forcat Ajrore Ruse do të përdoren gjithashtu”, thuhet në deklaratë .
Ushtrimet filluan të Mërkurën por nuk u bënë publike deri sot.
Serbia deklaroi asnjanësi ushtarake në 2006 dhe iu bashkua programit të Partneritetit për Paqen të NATO-s në 2015, megjithëse nuk kërkon anëtarësim të plotë në aleancën e udhëhequr nga SHBA.
Ajo i është mbështetur Rusisë për duke mos njohur pavarësinë e Kosovës, dhe gjithashtu varet nga Rusia për furnizime me gaz natyror dhe kompania më e madhe lokale e naftës, Naftna Industrija Srbije, është në pronësi të Gazpromit të Rusisë. /tesheshi.com/
