Çështja “Doshi”/ Krerët e politikës thirren nga prokuroria për të dëshmuar. A do shkojë Berisha?!

Lidhur me pretendimet e deputetit Tom Doshi se kanë dashur ta vrasin, e se pas vrasjes së mbetur në tentativë qendron Ilir Meta,  Prokuroria e Krimeve të Rënda ka vendosur të thërrasë në funksion të hetimeve pikërisht figurat më të larta të politikës, Metën, Ramën dhe Berishën. Por do thërriten gjithashtu dhe ministri Tahiri, deputetët Mark Frroku dhe Mhill Fufi.                                                                                                                                                                            Ky është i pari rast kur një organ i lartë akuze, siç është Prokuroria e Krimeve të Rënda, kërkon të paraqiten për të dëshmuar për një proçes të caktuar krerë të lartë të politikës. Ky vendim ka ardhur pas denoncimit që sot, deputeti Doshi, ka bërë në Prokurori, duke dorëzuar aty videon me rrëfimin e një vrasësi me pagesë, i cili rrëfehej para tij për porosinë e marrë. Kuriozitet përbën fakti se si do reagojë Berisha ndaj kësaj kërkese. Kujtojmë që në karrierën e tij politike, ka të regjistruar disa preçedentë të mosparaqitjes në prokurori, teksa është thirrur të dëshmojë. Kjo, në rastin e hetimeve për vrasjen e Azem Hajdarit. /tesheshi.com/