Një ceremoni e pritshme për vendosjen e gurthemelit për ngritjen e një kryqi ortodoks në komunën e Butelit në Shkup, ka bërë që me dhjetra forca policore e ushtarake maqedonase të rrethojnë vendin.
Kjo pasi ka patur reagime të forta nga ana e komunitetit shqiptar të atyshëm, duke qenë se ky kryq për ta është një provokim i hapur.
Vendimi për të ngritur kryqin që mendohet të jetë 50 metra i lartë, erdhi pas vendosjes së një shqiponje në trajtë memoriali në komunën Ccair.
“Lufta e simboleve” nuk është diçka e re në Maqedoni. Pas vendosjes së kryqit gjigand në malin Vodno mbi Shkup vite më parë, u vu re prirja për lartimin e minareve gjatë ndërtimit të xhamive nga ana e shqiptarëve, siç ishte rasti me xhaminë në Haraçinë. /tesheshi.com/
