Armin Laschet është presidenti i ri i Unionit Demokristian (CDU). Ai konsiderohet një anëtar i moderuar i partisë dhe ndërtues i urave politike, si dhe është afër kancelares aktuale Angela Merkel.
“Ne duhet të jemi të qartë për atë që po përpiqemi, por nuk duhet të polarizojmë,” tha Laschet, 59 vjeç, të shtunën pas zgjedhjeve të partisë, duke shtuar se, duke pasur parasysh zgjedhjet parlamentare të këtij viti, CDU mund të fitojë përsëri.
“Ajo që unë sjell me vete, si presidenti i ri i partisë, është përvoja në strukturat qeverisëse, udhëheqja e provincës së madhe federale dhe konvergjenca e interesave të ndryshme,” vuri në dukje ai.
Një vendas i një familjeje minerare
Armin Laschet lindi në qytetin Aachen të Gjermanisë Perëndimore, në një familje minerare katolike që vjen nga Belgjika fqinje.
Ai ka një diplomë juridik.
Gjatë karrierës së tij, ai kaloi nëpër të gjitha stacionet politike: nga Bashkia e Qytetit, përmes Bundestagut dhe Parlamentit Evropian, derisa në vitin 2017 ai u bë Kryeministri i shtetit federal më të populluar gjerman të Nordrhein-Westfalen.
Kjo e dallon atë nga dy kandidatët e tjerë për president të CDU, Friedrich Merz dhe Norbert Roettgen, të cilët nuk kanë përvojë pas drejtimit të një krahine federale.
Shumë përmendin qeverisjen e tij të suksesshme në Nordrhein-Westfalen si provë e aftësisë së tij për të afruar rryma të ndryshme më pranë, ku, në koalicion me Liberalët, ai ka vetëm një shumicë votash. /tesheshi.com/
