Komisioni Evropian propozoi të mërkurën që shtatë vende të reja, duke përfshirë Arabinë Saudite, të përfshihen në “listën e zezë” të Bashkimit Evropian si vende që nuk luftojnë mjaftueshëm pastrimin e parave dhe financimin e terrorizmit.
Kjo iniciativë e organit ekzekutiv evropian, që ndodh gjatë tensionit të lartë diplomatik me Riadin, ende ka nevojë për aprovim nga Parlamenti Evropian dhe vendet e BE-së, disa prej të cilave, si Franca dhe Mbretëria e Bashkuar kanë shprehur dyshime.
Nëse propozimi i Komisionit për të pranuar vende të reja me rrezik të lartë, duke përfshirë Arabinë Saudite dhe Panamanë, pranohet në “listën e zezë” të BE-së, në të ardhmen do të ketë 23 emra.
Ajo përfshin Iranin, Irakun, Pakistanin, Etiopinë dhe Korenë e Veriut.
Fakti që një vend ndodhët atë listë nuk do të thotë se do të vendosen sanksione, por detyron bankat evropiane të rrisin kontrollin e tyre financiar në të cilat marrin pjesë klientët apo institucionet financiare të atyre vendeve.
“Ne kemi prezantuar rregullat më strikte në botë kur bëhet fjalë për luftimin e pastrimit të parave”, tha komisionerja evropiane e gjyqësorit, Vera Jourova.
“Por ne duhet të jemi të kujdesshëm që paratë e pista nga vendet e tjera nuk hyjnë në sistemin tonë financiar”, shtoi ajo në një konferencë shtypi.
“Paraja e ndotur është një gjenerator i krimit të organizuar dhe terrorizmit”, vazhdoi Jouroëva, duke u bërë thirrje vendeve në “listën e zezë” që të “heqin mangësitë e tyre sa më shpejt që të jetë e mundur”. /tesheshi.com/
