Qeveria britanike ka pezulluar marrëveshjet e reja të armëve me Arabinë Saudite, pasi një gjykatë vendosi se blerjet e mëtutjeshme janë të paligjshme.
Gjykata e Apelit në Londër vendosi që dhënia e liçencave të eksportit të qeverisë shkeli ligjin sepse ministrat nuk arritën të vlerësonin siç duhet nëse armët e përdorura në Britani u përdorën si pjesë e fushatave të bombardimeve në Jemen.
Sipas vlerësimeve nga Projekti i Vendndodhjes së Konfliktit të Armatosur (ACLED), koalicioni i udhëhequr nga sauditët është përgjegjës për mbi 8,000 vdekje në Jemen që nga viti 2015.
Të tre gjyqtarët në Gjykatën e Apelit në Londër vendosën se ishte “irracionale dhe rrjedhimisht e paligjshme” për sekretarin e tregtisë ndërkombëtare Liam Fox që të japë liçenca të armëve pa kontrolluar nëse ato ishin të destinuara për përdorim në Jemen apo jo.
Megjithatë pezullimi nuk flet nëse Britania e Madhe apo Arabia Saudite kishin shkelur të drejtën ndërkombëtare humanitare, por vetëm faktin se Britania e Madhe duhet ta kishte marrë në konsideratë çështjen e konfliktit në Jemen kur dha liçencat. /tesheshi.com/
