Sipas shifrave që bën të njohura Zyra e Statistikave të Britanisë (ONS), Mbretëria e Bashkuar mund të bëhet vendi më i populluar i kontinentit europian po qe se vijohet me ritmet aktuale.
Britania mund ta lërë pas Francën në vitin 2030 për numrin e popullsisë, e po kështu Gjermaninë në 2047-ën, teksa parashikohet që popullsia e saj të rritet me 10 milionë në 25 vitet e ardhshme.
Nga 64.6 milionë banorë në mesin e 2014-ës, popullsia britanike do të shkojë në 74.3 milionë banorë në vitin 2039.
Më tepër se gjysma e kësaj rritjeje, 51 për qind, do të vijë nga të huajt e vendosur në Britani.
Të dhënat e ONS-së tregojnë se gjatë vitit të shkuar një prej tre të lindurve në Britani erdhi në jetë nga një nënë e huaj. Vetëm një dekadë më parë një në gjashtë nëna të reja ishte e lindur jashtë. Vendet e para nga erdhën këto nëna për katër vitet e shkuara janë Polonia, Pakistani dhe India. /tesheshi.com/
