Me ngjyrë të verdhë intensive, arnica është një bimë mjekësore tipike e maleve: çel në shpate malesh, në relieve të ashpra dhe ngjan me margaritën por petalet të kujtojnë lulediellin. Më poshtë mund të mësoni se si ta përdorni për të përmirësuar gjendjen tuaj shëndetësore.
Kuriozitet – A e dini se kjo lule njihet si duhani i maleve? Në Francë, arnica quhej Tabac des Vosges dhe përdorej si bazë për të bërë duhanin nga njerëzit që endeshin maleve.
Përdorime të lashta – Njohja e arnicas është shekullore, aq sa në lashtësi kjo bimë përdorej për të trajtuar dhimbjet e fytit dhe për t’u çliruar nga temperatura. Shekuj më parë, mjekësia popullore, veç bimëve dhe luleve përdorte edhe rizomën, e cila është e pranishme në këtë bimë. Ajo korret në korrik ose në shtator, kohë kur piqet tamam.
Vaj esencial – Në vajin esencial të arnicas ndodhet acidi olenik, larik dhe politik, veç flavinoideve, timolit, karotenoideve, acideve feloneike.
Plagët – Arnica lufton dhimbjet, ndihmon në shërimin dhe favorizon riabsorbimin e lëngjeve, duke përmirësuar kështu qarkullimin. Përdoret edhe në trajtimin e hemorroideve e pas pickimit të bletëve.
Dhimbjet e fytit – Falë efikasitetit dhe vetive antiinflamatore e antibakteriale, arnica përdoret për dezinfektim dhe për reduktimin e inflamacionit, në rastet e dhimbjes së fytit, ulçerës apo dhimbjes së dhëmbëve. Ajo mund të përdoret edhe për forcimin e sistemit imunitar si dhe lufton infeksionet./tesheshi.com/
