Borxhi shtetëror i Shteteve të Bashkuara ka kaluar një kufi të ri, duke arritur më shumë se 22.000 miliardë dollarë (22 trilionë dollarë) për herë të parë.
Raporti ditor i Ministrisë së Financave, lëshuar të martën, tregon se borxhi i përgjithshëm publik ka kaluar në një nivel “të vështirë” me 22.010 miliardë dollarë në krahasim me 19.950 miliardë që ishte kur Donald Trump mori detyrën më 20 janar 2017, raporton AP.
Shuma e borxhit është krijuar që kur u miratua ulja e taksave nga Trump prej 1.500 miliardë në dhjetor 2017, dhe pas vendimit të vitit të kaluar të Kongresit për të rritur shpenzimet në programet e brendshme dhe ushtarake.
Borxhi shtetëror është një shumë e deficiteve buxhetore vjetore.
Zyra e Kontrollit të Kongresit Buxhetor parashikon se deficiti i këtij viti do të jetë 897 miliardë dollarë amerikanë, një rritje prej 15.1 për qind krahasuar me deficitin e vitit të kaluar prej 779 miliardë dollarë amerikanë.
Kjo kryesisht do të ndikojë në rritje e kostove të financimit të kujdesit social dhe shëndetësor (Medicare), duke pasur parasysh pensionimin në masë të anëtarëve të brezit të lindur pas Luftës së Dytë Botërore. /tesheshi.com/
