Borë në Prishtinë, komuna informon për masat e ndërmara

Si pasojë e reshjeve të mëdha të borës, Komuna e Prishtinës thotë se në orët e pasdites dhe të mbrëmjes ka angazhuar të gjitha kapacitetet për mirëmbajtjen e rrugëve të kryeqytetit.

“Po bëhet pastrimi i vazhdueshëm i tyre në intervale të rregullta dhe kjo do të vazhdojë me të njëjtin intensitet edhe gjatë natës”, thuhet në njoftimin e Komunës.

Komuna më tej thekson se përveç pesë kompanive private të kontraktuara për pastrimin e rrugëve, është angazhuar edhe ndërmarrja publike komunale “Hortikultura”, e cila po bën pastrimin e trotuareve dhe hedhjen e kripës në to, në rrugët kryesore të qytetit.

“Në total janë 23 makina për heqjen e borës të angazhuara tërë kohën”.

“Lusim ngasësit e makinave që të kenë kujdes të shtuar dhe të kenë pajisjet dimërore në dispozicion”, thuhet në komunikatë. /tesheshi.com/