Sekretari amerikan i Shtetit Antony Blinken zhvilloi një vizitë të paparalajmëruar në kryeqytetin e Ukrainës, Kiev, për të riafirmuar mbështetjen e Uashingtonit për vendin e shkatërruar nga lufta.
Blinken u takua me Ministrin e Jashtëm të Ukrainës Dmytro Kuleb, raportuan media të shumta.
Më herët, Blinken paralajmëroi në Tëitter se presidenti rus Vladimir Putin dhe Kremlini “nuk do të kryejnë abuzime sistematike” në Ukrainë pa u ndëshkuar.
“Ne i thërrasim përgjegjësit autorët e këtyre krimeve. Shtetet e Bashkuara të Amerikës dhe partnerët tanë nuk do të heshtin. Ukraina dhe qytetarët e saj meritojnë drejtësi”, shtoi Blinken.
Informacioni për vizitën e tij u publikua pasi presidenti amerikan Joe Biden miratoi një paketë shtesë armësh për Ukrainën me vlerë 675 milionë dollarë, gjë që u konfirmua nga sekretari amerikan i Mbrojtjes, Lloyd Austin.
Por më herët, SHBA ndau 2 miliardë dollarë ndihma ushtarake për vendet e kërcënuara nga Rusia.
Gjysma e paketës së re prej dy miliardë dollarësh do të shkojë në Ukrainë dhe pjesa tjetër në 18 vende të tjera që konsiderohen nën kërcënim nga Moska. Nga rajoni është përcaktuar vetëm Bosnja. /tesheshi.com/
