Dhomat e tregtisë në Shqipëri janë bashkuar për të komentuar ngjarjet e fundit të Rrugës së Kombit duke kundërshtuar të etiketohen si oligarkë në kuptimin negativ të fjalës, siç ky term është shndërruar në media.
“Sot nuk ka oligarkë por janë sipërmarrës që kanë qenë edhe në kohën e një klase politike dhe në kohën e një klase politike tjetër. Asnjërit prej nesh nuk i vjen mirë të trajtohet si oligark. Asnjë sipërmarrës nuk është oligark por është një sipërmarrës që ka një kontratë, është një sipërmarrës që investon në Shqipëri”, tha Nikolin Jaka, kreu i Dhomës së Tregtisë.
Ata u shprehën pro tarifimit të Rrugës së Kombit, por duke shtuar se është i nevojshëm lehtësimi për barrën e vendosur. “Në bisedën që është bërë dhe me koncesionarin është lënë hapësirë që për kompani që do të kenë shkëmbim të dendur tregtar tarifa do të rinegociohet dhe të ketë kosto të përballueshme. Kjo të bëhet pas 6 muajsh”, u shprehën njëzëri dhomat e tregtisë në vend. /tesheshi.com/
