Këto bimë janë të mrekullueshme. Pasi të lexoni këto që kemi për t’ju treguar, do të mendoni se janë magjike, por në fakt, a e dini se disa prej tyre janë në gjendje të absorbojnë rrezet e dëmshme nga rrezatimi i televizioneve si dhe të eliminojnë aromat e këqija të duhanit apo produkteve të tjera kimike?
Ndër bimët që i kanë këto veti janë fikusi, fieri, bima e njohur shkencërisht me emrin dracaena dhe kaktusi. Ekspertët bëjnë me dije se duhet të mbjellim të paktën një bimë në 9 metra katror hapësirë.
Dracaena
Përveç se është një bimë e bukur, ajo është shumë e thjeshtë të mbillet dhe është rezistente nga ndryshimi i temperaturave. Ajo duhet të ekspozohet drejt dritës, por jo drejt diellit në mënyrë të drejtpërdrejtë. Duhet ujitur në mënyrë frekuente. Është një bimë e pazëvendësueshme, pasi arrin të pastrojë ajrin dhe gjithë të këqijat që krijohen nga deodorantët, pluhurat etj.
Fikusi
Fikusi neutralizon erën e tymit të duhanit, duke reduktuar përqendrimin e dyoksidit të karbonit, monoksidit të karbonit, kimikateve që gjenden në bojën e murit etj. Ka nevojë për dritë, por jo shumë të fortë.
Fieri
Kjo bimë redukton përqendrimin e kimikateve që vijnë nga larësit e rrobave, detergjentët e ndryshëm, bojërat, aromat e produkteve të fabrikuara siç mund të jenë perdet, mbulesat etj. Kërkon shumë lagështirë dhe nuk duhet ekspozim në diell./tesheshi.com/
