Seancën e sotshme parlamentare, ish kryeministri Sali Berisha e cilësoi si një seancë funebër, pasi zinxhiri i ligësirave dhe i të zezave që Edvin Kristaq Rama, ju bëri shqiptarëve gjatë këtij viti, janë të zezat që s’jua ka bërë kush kurrë që nga koha e diktatorit Hoxha
“Ajo që spikat në qëndrimet e kreut të sotshëm të ekzekutivit është përçmimi për vdekje ndaj qytetarëve, intelektit të tyre, fëmijëve e familjeve të tyre. 27 muaj më parë kalonte nga sheshi në shesh e ju thoshte se ju qytetarë do të gëzoni 97% e juaja uljen e taksave, heqjen e tvsh-së për energjinë elektrike, rrogën e 13-të,shërbimin shëndetësor falas legalizimet falas”,- tha Berisha.
Ai shtoi se pas 27 muajsh Rama tregoi se ishte një nastradin, një miniaturë e artit të tij shpirtëror dhe që as skuqej e as zverdhej për të mashtruar.
Duke iu drejtuar qytetarëve, Berisha deklaroi se pas 27 muajsh qytetarët marrin korrentin 24% më shtrenjtë se më parë. “Jo që s’merrni rrogë të 13-të, por fuqia blerëse e rrogës suaj të ngrirë është 12% më e ulët. Ju që i besuat se legalizimet do i keni falas, sot merrni në kompensim një letër pa vlerë dhe prisni të shpallë çmimet disa herë më të larta se sa disa vite më parë. S’ka asnjë shqiptar që ka marrë një tapi”,- ishin fjalët e ish kryeministrit.
Ai deklaroi se sot ka mbi 100 mijë shqiptarë që kërkojnë azil dhe të largohen nga Shqipëria. “Kujt ia priste mendja se kjo do të ndodhte? Po ikin nga urrejtja e tij, nga mbushja e burgjeve me hallexhinj, nga dhuna dhe terrori shtetëror i ushtruar në të katër anët e vendit, nga qindra gjoba që u vendos qytetarëve shqiptarë”,- tha ndër të tjera zoti Berisha./tesheshi.com/
