Ish-kryeministri, Sali Berisha i ka tërhequr vëmendjen mazhorancës se opozita ka një rol të madh në marrjen e rekomandimit, për anëtarësimin e Shqipërisë në Bashkimin Evropian. Gjatë seancës së sotme parlamentare, Berisha i akuzoi ata se prej 3 vitesh prishin seancat në kuvend. “Keni tre vjet që prishni çdo seancë, të verbër nga sytë e mendjes. A nuk doli kolegu juaj para jush, a keni ndërgjegje njerëzore? Bëri një akt-akuzë të gjerë kundër opozitës, kush e hapi? Asnjë nga diskutantët tanë që u lidhën në diskutim me rendin e ditës, kurse ju dolët këtu e sulmuat opozitën. Pa opozitën s’merrni kurrë rekomandim, se silleni kështu nuk morët hapjen e negociatave”, tha Berisha.
Ai shtoi se të djathtët kanë kontakte dhe burime të forta sa i takon çeshtjes së negociatave. “Ça kujtoni ju, se opozita s’ka kontakte, takime, burime? Në vend të shprehni vlerësim apo heshtje, të paktën vini opozitën në bankën e të akuzuarve dhe kërkoni të rrahni gjoksin. Nëse u vendos rekomandimi, u bë se u votua këtu nga opozita drejtësia. Në vend që të thoni u arrit e si t’ia bëjmë për hapjen e negociatave, ju lëshoni tonelata me akuza dhe kërkoni seanca pastaj”, u shpreh ish-kryeministri./tesheshi.com
