Pas murit rradha i vjen trenit. Serbia ka vendosur që të fus në qarkullim një tren nga Beogradi drejt Mitrovicës, siç informojnë mediat serbe duke iu referuar një njoftimi të lëshuar nga shefi i Zyrës për Kosovë, Marko Gjuriç.
Ky i fundit Gjuriç u ka thënë mediave në Beograd, se për vitin e ri serb do të fillojë qarkullimin treni Beograd-Mitrovicë, i cili do të ketë këtë itinerar: Beogradi-Mladonovac-Lapovo-Kragujevc-Krajlevë-Rashkë dhe në fund në Mitrovicë.
Më tej, Gjuriç nuk ka harruar të potencojë se treni do të ketë shpejtësi të madhe.
Zyrtari serb ka thënë më tej se kjo është linja e parë Beograd-Kosovë që pas përfundimit të luftës duke shtuar se treni do të jetë i zbukuruar me motive të trashëgimisë kulturore dhe fetare serbe si dhe jashtë do të ketë flamurin serb dhe emrat e kishave dhe manastireve të cilat gjenden në Kosovë. /tesheshi.com/
