Kreu i Aleancës Kosova e Re, Behgjet Pacolli, e ka cilësuar sherrin e sotëm në Kuvendin e Kosovës si një “luftë mes oborresh” që e ka dëmtuar imazhin e vendit.
Pacolli, përmes një postimi në faqen e tij në facebook ka komentuar zhvillimet e ditës së sotme në Kuvendin e Kosovës.
Ai ka shkruar për rezolutën e cila dënon dhunën juridike të Serbisë ndaj ish-ushtarëve të UÇK-së, për të cilën ka thënë se ka kaluar në mënyrë jo-dinjitoze.
Ja postimi i plotë i tij:
Çfarë shtetrrethimi vetëm dy ditë pas festës së përvjetorit të Pavarësisë.
Sot në Kuvendin e Kosovës e patë si kaloi rezoluta me interes kombëtar që dënon dhunën juridike të Serbisë ndaj ish-ushtarëve të UÇK-së.
Rezoluta kaloi, por jo në mënyrë dinjitoze, madje munguan votat e Opozitës, dhunshëm u ndërpre seanca. Sërish gaz, sërish dhunë, imazh i keq që po dërgojmë nga Kosova.
Betejë në mes të oborreve, po qytetari me hallet e veta ku mbeti???
/tesheshi.com/
