Nga Mensur Krasniqi
A thua vallë përfaqësuesit e shqiptarëve në Maqedoni, BDI e kanë idenë se kush në të vërtetë është Pjetër Bogdani?! Figura e shkrimtarit të ndjerë, siç njoftoi më parë portali tesheshi.com nuk është mirëpritur aspak nga një pjesë e shqiptarëve gjatë vendosjes së përmendores së tij në qendër të Shkupit, për shkak se e konsiderojnë si njeri që ka urryer ashpër shqiptarët muslimanë, pikërisht për shkak të besimit të tyre.
Përveç këtij fakti, është edhe një dëshmi tjetër që siguron se asnjëri nga BDI nuk e kishte njohur biografinë e Pjetër Bogdanit. Ata kanë ngatërruar vitin e lindjes dhe vdekjes së tij. Në përmendoren e cila u vendos sot përballë Kuvendit në Shkupit, në pllakatin shkruan se Pjetër Bogdani ka lindur më 1630 dhe ka vdekur më 1686.
Ne fakt, biografia e shkrimtarit Bogdani thotë se i njëjti ka lindur në vitin 1625 në Gurin e Hasit, vend ky që ndodhet afër Prizrenit, ndërsa ka vdekur në viti 1689.
Ndryshe, se viti i lindjes dhe i vdekjes i Pjetër Bogdanit të vendosur në Shkup është ngatërruar, vërtetohet edhe në kartmonedhën 1000-lekëshe të Shqipërisë e cila është e dekoruar pikërisht me figurën e Bogdanit, e që datat tregojnë se i njëjti lindi më 1625 dhe vdiq më 1689.
Si duket vendosja e përmendores së Pjetër Bogdanit në qendër të Shkupit, në vend se të llogaritet një sukses i BDI-së, e njëjta tashmë ka arritur një kundër efekt, ngaqë nuk kanë të ndalur batutat në emër të kreut të BDI-së dhe Pjetër Bogdanit, si kjo e fundit “Ali Ahmeti e ka pasur shok lufte Bogdanin, si se njeh?!” etj. /tesheshi.com/
