Opozita e majtë e Serbisë, ka mbajtur një qëndrim tashmë të njëjtë edhe me akademikët, duke e vulosur pavarësinë e Kosovës.
Ish-Presidenti serb Boris Tadiç dhe liberal-demokrati, Çedomir Jovanoviç, kanë lidhur një kontratë politike mes tyre për të krijuar një listë fituese.
Këta forca politike kanë shpallur qëndrimin e tyre politik drejt perëndimit dhe pa asnjë hezitim për aleancën me Rusinë.
Tadiç dhe Jovanoviç deklaruan se nuk do të merren më me çështjen e pavarësisë së Kosovës.
Tadiç tha se qeveria aktuale de fakto e ka njohur Kosovën, si dhe ka ndryshuar situata pas Marrëveshjes së Brukselit, ndërkaq Jovanoviç ka përsëritur se Beogradi duhet të ndryshojë marrëdhëniet ndaj Kosovës.
“A do të bëhet shtet i pavarur Kosova përmes kësaj politike – s’ka pikë dyshimi, pavarësisht nga ajo çfarë do Serbia, sepse numri i vendeve që e kanë njohur Kosovën në OKB është më i madh se gjysma”, ka thënë Tadiç dhe ka shtuar se në situatën pas marrëveshjes së Brukselit, e cila, sipas tij, nënkupton që sistemi i drejtësisë i Kosovës funksionin në tërë territorin, duhet të ekzistoj konsensus nacional sa i përket Kosovës.
Sipas tij, temë e koalicionit SDS-LPD nuk do të jetë pranimi i pavarësisë së Kosovës, por do të luftojë për interesa minimale kombëtare në Kosovë, pas parulla demagogjike, të pakuptimta dhe politika të luftës.
“Kam ide, nuk është koha që për ato të flasim në media, por me qeverinë. Ende kemi hapësirë manovruese që të arrijmë diçka nga interesat minimale në Kosovë”, tha Tadiç. /tesheshi.com/
