Ministri i Rendit Sandër Lleshaj ishte i pranishëm në pikën kufitare të Morinës ku nënshkroi bashkë me homologun kosovar Ekrem Mustafa, marrëveshjen “Për ngritjen e pikave të përbashkëta të kalimit kufitar, ndërmjet Republikës së Shqipërisë dhe Republikës së Kosovës”, thënë ndryshe bashkimit doganor, premtuar në mbledhjen e dy qeverive në Pejë. Aty, Lleshaj shpjegoi dhe arsyen se pse Rama nuk ishte vetë i pranishëm.
“Për mua është një kanaqësi e veçantë që në prag të vitit të ri, të jem këtu për të nënshkruar këtë marrëveshje të rëndësishme. Së pari ju sjell përshëndetjen e kryeministrit Rama, i cili nuk preferoi të vinte se më tha: Kemi 50% sukses kësaj rradhe do vij vetëm kur ta heqim komplet kufirin. Jemi mbledhur për të nënshkruar këtë marrëveshje. Marrëveshja ka një rëndësi të veçantë, me këtë marrëveshje ulim me 50 % kohën e pritjes, duke eliminuar plotësisht kontrollet me kufirin tonë të përbashkët. Ne na duhet që çdo hap të lirisë ta shoqërojmë me rritjen e sigurisë. besoj se ky është vetëm një hap. Hapi tjetër është se shumë shpejt qeverisë do i mundësojmë të firmosin një marrëveshje të rëndësishme”, deklaroi Lleshi. Njesimi doganor mes Shqipërisë dhe Kosovës, pritet ta lehtësojë qarkullimin mes dy anëve të kufirit. /tesheshi.com/
