Në një intervistë për “Koha Ditore” presidenti i Shqipërisë Bujar Nishani e ka quajtur krejt të paarsyetuar nivelin e bashkëpunimit në aspektin ekonomik, por edhe në atë kulturor dhe shkencor mes Shqipërisë dhe Kosovës. Ai ka përmendur një sërë pengesash duke thënë se ato vijnë kryesisht për shkak se tek pushtetarët e të dyja anëve të kufirit dominon interesi politik ndaj atij kombëtar.
Në vijim të kësaj e ka quajtur të paarsyeshëm edhe debatin që pati ndezur përcaktimi i të dyja qeverive për t’i varrosur eshtrat e Isa Boletinit në Vlorë dhe jo në vendlindjen e këtij themeluesi të shtetit shqiptar, në Boletin të Kosovës, por i cili vendim u shfuqizua pas reagimeve në masë. Ai ka thënë se duhet ruajtur simbolikat, të cilat janë pjesë treguese e ekzistencës së shqiptarëve dhe e qenësisë së tyre, dhe se, në këtë kuptim, edhe Isa Boletini duhet lënë të prehet atje ku është lindur.
Gjatë intervistës presidenti Nishani ka folur edhe për veriun e Kosovës, term për të cilin ka thënë se nuk duhet të përdoret si referencë politike. Sipas tij, do të jetë shumë e padrejtë dhe e rrezikshme edhe për të ardhmen e vetë zhvillimit të kësaj zone, nëse konvertohen nocionet gjeografike në nocione politike.
Nishani ka dhënë një qëndrim edhe për negociatat Kosovë-Serbi duke folur edhe për një kërkesë që ia ka shtruar kryeministrit serb Aleksander Vuçiç
