Kreu i PD-së, Basha e ka potencuar dhe në fjalimin e pasdites atë që e konsideron misionin e protestës të së shtunës: themelimin e Republikës së re.
“Nesër do të jetë bashkimi më i madh në histori. Vendi ndodhet në vigjilje të krijimit të republikës së re”, tha ai me pompozitet.
Ndërkohë iu përgjigj dhe aludimit për mbylljen e mundshme të çadrës, duke e mohuar diçka të tillë
“Çadra nuk do të mbyllet por do të vazhdojë deri në arritjen e qëllimit të plotë, atë të Republikës së re. Deri në fitoren totale të kauzës për zgjedhje të lira e të ndershme, që do të jenë të vetmet që do të mbahen në Shqipëri”, theksoi kreu demokrat.
Megjithatë, deri më tani nuk është bërë e qartë prej tij se çfarë përfaqson Republika e re, kush e ka ideuar, kush e ka përpunuar si platformë dhe se çfarë modeli politik i është referuar. /tesheshi.com/
