Lideri i opozitës, Lulzim Basha, bëri të ditur se Partia Demokratike do të paraqesë një draft alternative për institucionet kryesopre të drejtësisë.
Ndërkaq, si pa dashje Basha zbuloi dhe rrogat e krerëve të institucioneve të gjyqësorit që do të jenë nga 4-6 mijë euro në muaj.
“PD ka draft të konsoliduar që do të përbëjë bazën e negociatave tona. Vizioni ynë është në përputhje me rekomandimet e Komisionit të Venecias.
Opozita po tregon kredibilitet dhe vullnet për të ecur me reformën. i takonte mazhorancës që të hidhte këto hapa. Në lidhje me arkitekturën e sistemit, Venecia ka thënë se sistemi është i komplikuar dhe ka dyshime, por kanë takuar Xhafajn, i cili i ka siguruar për këtë. Dhe ata kanë thënë që do të jenë dakord me strukturën nëse palët politike bien dakord. Nuk është kaq e lehtë. Arkitektura e sistemit duhet të thjeshtohet për t’i shërbyer qytetarëve. Nëse duam vende pune me rrogë 6 milionë lekë në muaj për politikanët, dakord. Por kjo nuk është reformë në drejtësi”, deklaroi Basha. /tesheshi.com/
