Në një intervistë në Zonë e Lirë, kreu demokrat Basha u bëri një përshkrim me pak fjalë atyre që kanë pranuar mandatin e deputetit nga lista e PD-së, duke i konsideruar si interesaxhinj të rëndomtë.
“Nuk kam ndërmend që të merrem me asnjërin prej tyre, por dua të them se motivi i atyre që kanë qëndruar nuk i shërben interesit publik dhe qytetarëve. Ata që dalin kundër këtij vendimi, nuk i shërbejnë demokracisë, se për cfarë motivesh kanë shkuar…”, tha Basha.
Por ndërkohë, ai është para një sfide jo të lehtë. Rudina Hajdari, e bija e njeriut-simbol të PD-së, të ndjerit Azem Hajdari, nuk ka pranuar të dorëzojë mandatin e me gjasë do vijojë të mbajë këtë pozicion politik. Si do veprohet me të teksa Murrizi u përjashtua për të njëjtin qëndrim?
“Partia ka disiplinë. Kur merren vendime kolegjiale, ato vendime duhet të ndiqen. Nuk ka parti evropiane apo amerikane të funksionojë ndryshe”, tha kreu demokrat.
E përkthyer ndryshe, do të thotë se dhe deputetja Hajdari deri më tani konsiderohet e përjashtuar. /tesheshi.com/
