Vetëm pak minuta pasi Ilir Meta deklaroi se të majtët do kërkojnë ndihmën e partive Popullore Europiane për të ulur Opozitën në dialog, vjen përgjigja e kreut demokrat, Lulzim Basha. Nga çadra e protestës në bulevard, Basha ka qenë i shpejtë për t’u kujtuar aleatëve se asgjë tjetër nuk bën punë, përveçse qeveria teknike.
“Kërkojeni ku të doni, por pa qeveri teknike nuk ka zgjedhje në Shqipëri”, theksoi Lulzim Basha. Ai apeloi aleatët e majtë qeverisës të lënë atë që e cilësoi demagogji. “Zgjidhni punët me socialistët tuaj se një pjesë e dinë që jeni të inkrimuar se me PPE ka kush flet. Se me PPE nuk zgjidhen punët me Zhagen”, tha Basha.
Sipas tij, rruga për dialog është e hapur nga opozita por dialogu nuk mund të jetë harxhim total kohe me ata që kanë frikë të dorëzojnë pushtetin dhe t’i hapin rrugë zgjedhjeve të lira e të ndershme
Basha iu përgjigj personalisht edhe Metës në komentin se “Basha është në situatë mosbesimi”.
“Basha nuk është në situatë mosbesimi, unë jam fare i qartë. Kjo qeveri duhet të shkulet me rrënjë nga kryeministri e ministrat duhet të largohen. Rrugë tjetër nuk ka e nuk ka për të pasur”, tha Basha. /tesheshi.com/
