Kreu demokrat Basha, ishte këtë të shtunë në Pukë, prej nga lëshoi akuza të ashpra kundrej kryeministrit Rama dhe qeverisë së tij.
“Për fatin e keq të Shqipërisë është provuar se Edi Rama, ky koalicion qeveritar prej ditës së parë e deri tani që po i vjen mbyllja e mandatit ka menduar vetëm për veten e vet, vetëm për xhepat e vet, vetëm për pasurimin e vet, vetëm për pushtetin e vet. Sepse një qeveri që erdhi me premtimin për 300 mijë vende pune dhe çoi 100 mijë shqiptarë refugjatë; një kryeministër që premtoi shëndetësi falas dhe e futi në gjendjen më mesjetare, më të zezë, më të vobektë, më të korruptuar që ka parë shëndetësia në këto 26 vite; një kryeministër që premtoi rend dhe siguri dhe që shumëfishoi krimin, drogën, vrasjet, nuk është në gjendje të tregojë një punë konkrete që i vlen qytetarëve, por që i tregohen me gisht me dhjetëra afera korruptive është varrmihëse e shpresës”, tha Basha.
Më pas ai u përqëndrua tek droga, e konsideruar si karta më e fortë e opozitës, ku sërish bëri kalkulime shifrore për të rrëzuar pretendimet, po shifrore të qeverisë.
“Në 17% të territorit është 5-fishuar kultivimi i kanabisit në një vit. Nga 44.7 hektarë vitin e kaluar në 213.7 hektarë këtë vit”, tha kreu demokrat. /tesheshi.com/
