Në ndalesën e radhës në Kavajë, në parapërgatitje për protesta e janarit, kreu demokrat Basha tha se viti i ri duhet të ketë një nisje ndryshe, gjithnjë me synimin për rrëzimin e kryeministrit Rama.
“Le të jemi lajmëtarët e një viti të ri, që nuk do të nisë me demokratët dhe shqiptarët kokëulur, por do të nisë me Partinë Demokratike në ballë të protestave, me një premtim të madh, se ashtu siç bëmë në Kavajë, ne do ta çlirojmë Shqipërinë nga krimi dhe politikanët e inkriminuar, ne do t’i japim Shqipërisë një qeveri dhe elitë të pakorruptuar, me një të ardhme europiane dhe me një Shqipëri si gjithë Europa”, u shpreh Basha.
Sipas tij, tashmë Rama ka dhe ankthin e shtuar nga dosja Tahiri.
“Edi Rama i trembet hetimit deri në fund të Saimir Tahirit. Edi Rama i trembet, zbulimit, ekspozimit dhe më pas hetimit të lidhjeve të publikuara, të njohura e akoma të paekspozuara të tij me politikanët e lidhur me krimin dhe të tij me vetë krimin”, shtoi kryedemokrati. /tesheshi.com/
