Gjatë një ndalese në Rrëshen në kuadër të mobilizimit të njerëzve për protestën e paralajmëruar të 16 shkurtit, kreu demokrat Basha ceku dhe statusin e tij si njeriu që një pjesë të jetës e ka kaluar në Hollandë, ndërkohë dhe bashkëshortja e tij ka nënshtetësinë e këtij vendi.
Por ai e ka përkthyer atë që kundërshtarët janë trajtojnë si disavantazh, pra faktin se e ka të ndarë jetën mes Hollandës dhe Shqipërisë edhe për shkak të një shtëpie që zotëron atje, si një avantazh në raport me atdhedashurinë.
“Nga përvoja personale, nuk ka gjë më të shtrenjtë sesa vendi yt”, tha Basha, duke thënë njëherësh se “18-vjeç jam larguar nga Shqipëria në kërkim të mundësive. Dua t’u them se ajo që duhet të bëjmë është një detyrë e shenjtë”.
“Problemet tuaja janë problemet e shumicës dërrmuese të të gjithë shqiptarëve. Megjithatë, ka lindur një shpresë e re për ndryshim”, shtoi kreu demokrat, që e quajti qeverisjen e Ramës si “grusht shteti”, e që duhet rrëzuar.
“Me 16 shkurt do t’i jepet fund këtij grushti shteti të Edi Ramës”, theksoi Basha. /tesheshi.com/
