Shuplaka e fortë gjermane ndaj Shqipërisë nuk ka ngelur pa u komentuar nga kryedemokrati Lulzim Basha. Ai e ka cilësuar si lajm të keq për të gjithë ne qëndrimin e Budenstagut ndaj hapjes së negociatave me Shqipërinë.
Nga ana tjetër Basha shton se lajmi i mirë është se Gjermania mbështet anëtarësimin e Shqipërisë në BE, sikurse u ripohua sot.
“Tani është koha të punojmë për të realizuar reformat e nevojshme dhe marrë vendimet e duhura që u shërbejnë shqiptarëve dhe jo për t’u hedhur hi syve qytetarëve dhe partnerëve tanë”, – ishin fjalët e Bashës në një postim të tijin në Facebook.
Ai përfundon duke thënë se sot është koha që të gjithë ne që duam ndryshimin e vërtetë të bëhemi bashkë për të luftuar korrupsionin, krimin, drogën dhe për të garantuar zgjedhje të lira dhe të ndershme./tesheshi.com/
