Duke vijuar fushatën e tij mobilizuese, kreu demokrat Basha u ndal në Kukës, ku aty iu rikthye çështjes së mbyllur tashmë, e të kthyer në normalitet, asaj të pagesës së Rrugës së Kombit.
Edhe pse nuk ka më asnjë reagim, Basha e ka parë të udhës që të premtojë heqjen e kësaj pagese. Si e ka cilësuar tarifën si padrejtësi të Ramës ndaj kuksianëve, e bashkë me të edhe mbylljen e një filiali universitar që qe hapur në Kukës
“Masat që ka marrë, vendosja e traut, heqja e Universitetit, mbytja dhe shkatërrimi i biznesit, ka goditur Kukësin dhe gjithë Shqipërinë. Zotohem para jush, cdo padrejtësi që Edi Rama ka bërë kundër kuksianëve, ju premtoj që do ta zhbëjnë që në javët tona të para në pushtet. Duke nisur me anulimin e traut që ka vënë për t’ju ndarë nga pjesa tjetër e Shqipërisë. Do të zerojmë taksën. Ju e arritët një sukses dhe i treguat rrugën se si komunikohet me Edi Ramën”, u shpreh Basha, referuar protestave të marsit të vitit të kaluar.
“Ne do të rihapim Universitetin e Kukësit. Rihapja e universitet do të rikthejë këtu fëmijët tuaj, me kosto më të ulët. Do të financojmë praninë e pedagogëve në mënyrë që këtu të jetë një qendër universitare e kërkimit shkencor, e trajnimit profesnal. Ne do të marrim përvojën më të mirë gjermane sepse gjermanët i kemi në krahë. Ne këtu do të ndërtojmë modelin gjerman, ku gjysmën e kohës studenti ta kalojë në Universitet, gjysmën e kohës ta bëjë stazh pune. Jo vetëm o të sjellim profesorë e docentë, por do ta bëjmë qendër universitare të veriut të Shqipërisë, ku të vijnë nga Prizreni dhe zonat përreth”, shtoi Basha. /tesheshi.com/
