Kryetari i PD-së, Lulzim Basha, i është rikthyer akuzave ndaj kryeministrit Edi Rama dhe qeverisë përsa i takon shpenzimeve që bëjnë familjet shqiptare për të blerë librat e fëmijëve për në shkollë.
“Librat shkollorë u kushtojnë përvit shqiptarëve mbi 15 milionë dollarë shkruan Basha, ndërkohë që në të gjithë rajonin tekstet për arsimin e detyrueshëm jepen falas”, tha Basha.
Sipas tij, familjarët janë të dënuar të presin në rradhë të gjata për orët të tëra, për shkak të një sistemi klientelist, të ngritur me qëllimin për të përfituar sa më shumë para nga shqiptarët.
“Në vend që të sjellë gëzim, fillimi i shkollës sjell ankth financiar dhe vështirësi për qindra mijëra nxënës dhe familjarët e tyre.
Një qeveri në shërbim të njerëzve investon në libra dhe mjete shkollore, jo në fasada ministrish dhe luks qeveritarësh”, tha Basha. /tesheshi.com/
