Udhëheqësi kurd Masoud Barzani i kërkoi të martën kryeministrit irakian Haider al-Abadi të fillojë bisedimet mbi çështjet që i ndajnë ata, një ditë pasi komuniteti autonom kurd mbajti një referendum në të cilin tha se një shumicë ka votuar në favor të pavarësisë.
“Unë i bëj thirrje Haider al-Abadi dhe të tjerëve (zyrtarë politikë irakianë) që të mos mbyllin derën e dialogut sepse është një dialog që do të zgjidhë problemet,” tha ai në një fjalim televiziv.
“Ne i sigurojmë bashkësisë ndërkombëtare gatishmërinë tonë për t’u angazhuar në dialog me Bagdatin,” tha ai.
“Referendumi nuk është për të kufizuar kufirin midis Kurdistanit dhe Irakut, as të imponojë atë de facto,” shtoi Barzani.
Iniciativa kurde për të zhvilluar një referendum për pavarësinë u realizua të hënën pavarësisht nga refuzimit nga pala irakiane dhe ajo ndërkombëtare.
Vota nuk është e detyrueshme dhe nuk do të çojë automatikisht te pavarësia, por është parë nga kurdët si një hap i madh drejt një ëndrre të gjatë të shtetësisë. /tesheshi.com/
