Të paktën dy persona janë vrarë gjatë një sulmi të kryer me furgon në zonën e këmbësorëve të La Rambla në Barcelonë, tha policia spanjolle.
Shoferi u largua menjëherë nga vendngjarja, ndërsa policia rrethoi restorantin ku ishin futur dy burra të armatosur, të dyshuar se kanë marrë pjesë në sulm.
Gazeta lokale El Periodico ka raportuar se ka pasur të shtëna në zonën rreth tregut La Boqueria.
Agjencitë e sigurisë u kanë bërë thirrje qytetarëve që të mos hyjnë në qendër të qytetit. Gjithashtu, është urdhëruar mbyllja e metrosë dhe stacioneve të trenave në afërsi.
Policia e quajti incidentin një sulm terrorist. Shërbimet emergjente janë dërguar në vendin e ngjarjes, ndërsa qytetarët janë këshilluar që të mos lëvizin drejt Sheshit Catalunya. /tesheshi.com/
